ភ្នំពេញ៖ សម្តេចនាយករដ្ឋមន្រ្តី ហ៊ុន សែន បានថ្លែងថាអំពាវនាវសារជាថ្មីឱ្យប្រជាកសិករត្រូវរក្សាទឹកទុកនិងធ្វើស្រែប្រាំងតែមួយដងបានហើយដោយសារគ្រោះរាំងស្ងួត និងងាកមកដាំដំណាំដាំដុះផ្សេងទៀតដើម្បីលើកកម្ពស់ជីវភាពរស់នៅឱ្យកាន់តែប្រសើរឡើង។ សម្តេចបានថ្លែងដូចនេះនៅថ្ងៃទី១១ ខែធ្នូ ឆ្នាំ២០១៩ ក្នុងឱកាសអញ្ជើញជាអធិបតីក្នុងពិធីប្រគល់សញ្ញាបត្រជូននិស្សិតសាកលវិទ្យាល័យឯកទេសនៃកម្ពុជា CUS ជិត៧ពាន់នាក់នៅមជ្ឈមណ្ឌលសន្និបាត និងពិព័រណ៍កោះពេជ្រ។

សម្តេចនាយករដ្ឋមន្ត្រី ហ៊ុន សែន បានបញ្ជាក់ថា ពាក់ព័ន្ធនឹងគ្រោះធម្មជាតិនេះដែរ កម្ពុជាមានសំណាងជាងប្រទេសនានាច្រើនណាស់ដូចជាប្រទេសថៃ  ប្រទេសឡាវ និងប្រទេសមួយចំនួនទៀតក្នុងតំបន់ជាដើម៕