ភ្នំពេញ៖ នៅទីស្តីការក្រសួងមហាផ្ទៃ នាព្រឹកថ្ងៃពុធ ទី១៥ ខែមករា ឆ្នាំ២០២០ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ អញ្ជើញជាអធិបតីភាពដ៏ខ្ពង់ខ្ពស់ដឹកនាំ កិច្ចប្រជុំសេចក្តីព្រាងផែនការសហប្រតិបត្តិការឆ្នាំ២០២០ រវាងក្រសួងមហាផ្ទៃកម្ពុជា និងក្រសួងនគរបាលវៀតណាម ដែលសម្តេចនឹងដឹកនាំគណៈប្រតិភូជាន់ខ្ពស់ ក្រសួងមហា ផ្ទៃ ទៅបំពេញទស្សនកិច្ចនៅសាធារណៈរដ្ឋសង្គមនិយមវៀតណាម ដើម្បីពិនិត្យមើលឡើងវិញនូវកិច្ចសហប្រតិបត្តិនានា កន្លងមក និងដើម្បីបន្តពង្រឹង ពង្រីកកិច្ចសហប្រតិបត្តិការនានាលើវិស័យ ពាក់ព័ន្ធបន្ថែមទៀត ដោយកិច្ចប្រជុំនេះមានការចូលរួមពី រដ្ឋខាធិការធិការ អនុរដ្ឋលេខាធិការ ព្រមទាំងអង្គភាព និងមន្រ្តីពាក់ព័ន្ធជាច្រើនរូបផងដែរ៕