វគ្គបណ្តុះបណ្តាលគ្រូបង្គោលស្តីពី “បរិយាកាសគាំទ្រច្បាប់គោលនយោបាយ និង ភារកិច្ចក្នុងការគាំទ្រការឆ្លើយតបចំពោះ មេរោគអេដស៍និងជំងឺអេដស៍នៅថ្នាក់ក្រោមជាតិ” ក្រោមអធិបតីឯកឧត្ដម តូច ប៉ូលីវ៉ា អភិបាលរងខេត្តស្វាយរៀង

ខេត្តស្វាយរៀង៖ ពិធីបើកវគ្គបណ្តុះបណ្តាលគ្រូបង្គោលស្តីពី “បរិយាកាសគាំទ្រច្បាប់គោលនយោបាយ និង ភារកិច្ចក្នុងការគាំទ្រការឆ្លើយតបចំពោះ មេរោគអេដស៍និងជំងឺអេដស៍នៅថ្នាក់ក្រោមជាតិ” ឯកឧត្ដម តូច ប៉ូលីវ៉ា អភិបាលរង នៃគណៈអភិបាលខេត្តស្វាយរៀង តំណាងឯកឧត្ដម ម៉ែន វិបុល អភិបាលខេត្ត និងជាប្រធានគណៈកម្មាធិការប្រយុទ្ធនឹងជំងឺអេដស៍ខេត្តបានអញ្ជើញចូលរួមជាគណៈអធិបតីក្នុងពិធីបើកវគ្គបណ្តុះបណ្តាលគ្រូបង្គោលស្តីពី “បរិយាកាសគាំទ្រច្បាប់គោលនយោបាយ និង ភារកិច្ចក្នុងការគាំទ្រការឆ្លើយតបចំពោះ មេរោគអេដស៍និងជំងឺអេដស៍នៅថ្នាក់ក្រោមជាតិ” នៅសាលប្រជុំទន្លេវ៉ៃគោ នាព្រឹកថ្ងៃពុធ ១០រោច ខែផល្គុន ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៨ ខែមីនា ឆ្នាំ២០២០ ។

នាពិធីបើកវគ្គបណ្ដុះបណ្ដាលនេះមានការចូលរួមពីលោកវេជ្ជបណ្ឌិត វ៉ឹង យ៉ាណាត ប្រធាននាយកដ្ឋានបង្ការ ថែទាំ និងគាំទ្រ នៃអាជ្ញាធរជាតិប្រយុទ្ធនឹងជំងឺអេដស៍ លោកអភិបាលរងស្រុករមាសហែក លោក លោកស្រីជាគ្រូបង្គោលមកពីអាជ្ញាធរជាតិប្រយុទ្ធនឹងជំងឺអេដស៍លោក នាយប៉ុស្ដិ៍រដ្ឋបាល លោក មេឃុំ ចៅសង្កាត់ លោក លោកស្រីប្រធានមណ្ឌលសុខភាព សរុបអ្នកចូលរួម ចំនួន១៧នាក់ ។