រដ្ឋបាលខេត្តកំពង់ចាម រៀបចំវេទិកាផ្សព្វផ្សាយ​ និងពិគ្រោះយោបល់ក្រុមប្រឹក្សាខេត្ត លើកទី២ អាណត្តិទី៣​ ឆ្នាំ២០២០ នៅបរិវេណវត្តគិរីបុប្ផារាម (ហៅវត្តបាធាយ)

ខេត្តកំពង់ចាម៖ នាព្រឹកថ្ងៃទី០៣ ខែវិច្ឆិកា ឆ្នាំ២០២០ រដ្ឋបាលខេត្តកំពង់ចាម រៀបចំវេទិកាផ្សព្វផ្សាយ​ និងពិគ្រោះយោបល់ក្រុមប្រឹក្សាខេត្ត លើកទី២ អាណត្តិទី៣​ ឆ្នាំ២០២០ នៅបរិវេណវត្តគិរីបុប្ផារាម (ហៅវត្តបាធាយ) ស្ថិតនៅភូមិបាធាយ ឃុំបាធាយ ស្រុកបាធាយ ក្រោមអធិបតីភាពឯកឧត្តម ខ្លូត ផន ប្រធានក្រុមប្រឹក្សាខេត្ត ឯកឧត្តម ប៉ាវ ហេងតារា រដ្ឋលេខាធិការក្រសួងពាណិជ្ជកម្ម និងជាអនុប្រធានក្រុមការងារថ្នាក់ជាតិចុះមូលដ្ឋានស្រុកបាធាយ និងឯកឧត្តម កៅ សុខអាន អភិបាលរងខេត្ត តំណាងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងដោយមានការអញ្ជើញចូលរួមពីសំណាក់ឯកឧត្តម លោកជំទាវ សមាជិកក្រុមប្រឹក្សាខេត្ត លោក លោកស្រី ប្រធាន អនុប្រធានមន្ទីរ-អង្គភាពជុំវិញខេត្ត ក្រុមប្រឹក្សាស្រុក គណៈអភិបាលស្រុក នាយករងរដ្ឋបាលសាលាខេត្ត លោក លោកស្រី នាយក នាយករងទីចាត់ការ អង្គភាពចំណុះសាលាខេត្ត លោក-លោកស្រីមេឃុំ មន្រ្តីរាជការសាលាស្រុក និងប្រជាពលរដ្ឋចូលរួមប្រមាណ១៣៧នាក់ ស្រី១៩នាក់៕