អភិបាលខេត្តកំពង់ចាម អញ្ជើញដឹកនាំមន្ត្រីជំនាញចុះពិនិត្យការរៀបចំបំពាក់សម្ភារៈបរិក្ខាកន្លែងពិនិត្យព្យាបាលអ្នកជម្ងឺកូវីដ-១៩ កម្រិតស្រាល នៅវិទ្យាល័យព្រះសីហនុ បន្ថែមពីលើមន្ទីពេទ្យមេគង្គកំពង់ចាម

ឯកឧត្ដម​ អ៊ុន​ ចាន់ដា​ អភិបាលនៃគណៈអភិបាលខេត្តកំពង់ចាម​ និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ បា​នដឹកនាំមន្ត្រីជំនាញមន្ទីរ-អង្គភាពពាក់ព័ន្ធ អញ្ជើញចុះពិនិត្យការរៀបចំបំពាក់សម្ភារៈបរិក្ខាកន្លែងពិនិត្យព្យាបាលអ្នកជម្ងឺកូវីដ-១៩ កម្រិតស្រាល នៅវិទ្យាល័យព្រះសីហនុ បន្ថែមពីលើមន្ទីពេទ្យមេគង្គកំពង់ចាម នារសៀលថ្ងៃទី២៣ ខែឧសភា ឆ្នាំ២០២១។

ក្នុងឱកាសនោះឯកឧត្តម អ៊ុន ចាន់ដាអភិបាលខេត្ត បានជំរុញឲ្យអ្នកពាក់ព័ន្ធរៀបចំឲ្យបានឆាប់រហ័ស ដោយសារយើងមានត្រូវការទីតាំងបន្ថែមសម្រាប់ទទួលពិនិត្យព្យាបាលអ្នកជំងឺកម្រិតស្រាល ខណៈដែលកំណើននៃការរកឃើញករណីវិជ្ជមានកូវីដ-១៩ ក្នុងខេត្តកំពង់ចាមមានការកើនឡើងជាលំដាប់។ 

គួរបញ្ជាក់ថា៖ រដ្ឋបាលខេត្ត បាន​រៀបចំ​អតីត​សណ្ឋាគារ​មេគង្គ​ ធ្វើ​ជា​មន្ទីរពេទ្យ​សម្រាប់​ព្យាបាល​ជំងឺ​​កូវីដ​-១៩​ ដែលមានបំពាក់សម្ភារៈ

បរិក្ខា និងមានគ្រែអ្នកជំងឺចំនួន ៤៧៤គ្រែ។ បន្ថែម​ពីនេះ ក្នុងដំណាក់កាលឆ្លង​រីករាល​ដាល​នៃ​ជំងឺ​កូវីដ​-១៩​ ដែលកំពុង​តែ​មាន​សន្ទុះ​​កេីនឡេីង​នេះ​ រដ្ឋបាលខេត្ត បានរៀបចំកន្លែងពិនិត្យព្យាបាលជំងឺកូវីដ-១៩ កម្រិតស្រាល នៅវិទ្យាល័យព្រះសីហនុ ដែលមានគ្រែចំនួន ៩០០គ្រែបន្ថែមទៀត​ សម្រាប់ត្រៀមលក្ខណៈក្នុងការឆ្លើយតបតម្រូវការបន្ទាន់៕