ចុះពិនិត្យវឌ្ឍនភាពការងារផ្លូវកៅស៊ូ DBST ២ខ្សែ ប្រវែង ៣៥៥០ម៉ែត្រ ក្រវ៉ាត់ក្រុងសួង ទៅផ្លូវជាតិលេខ៧ ត្រង់ផ្លូវចូលវត្តវិហារខ្ពស់ និងទល់មុខវត្តមង់រៀវ

ព្រឹក ថ្ងៃ១៨ ឧសភា ២០២១ ឯកឧត្តម  គន់ សុភា  អភិបាលរងខេត្ត តំណាងឯកឧត្តមបណ្ឌិត  ជាម ច័ន្ទសោភ័ណ  អភិបាលខេត្តត្បូងឃ្មុំ  អញ្ជើញដឹកនាំគណៈកម្មការត្រួតពិនិត្យសំណង់ ចុះពិនិត្យការស្ថាបនាផ្លូវកៅស៊ូ DBST  កាត់តាមភូមិវិហារខ្ពស់ ភូមិព្រៃទទឹង ភូមិច្រកពោន ភូមិធ្លក សង្កាត់សួង ក្រុងសួង ដោយបានផ្តល់អនុសាសន៍កែលម្អមួយចំនួន ដូចជា កាយប្រឡាយជើងទេរ មុខលូ ការដាក់លូមុខទឹក ដើម្បីអោយអ្នកទទួលការកែសម្រួលមុនការប្រគល់ទទួល។