អាវគណបក្សជាអំណោយរបស់លោកជំទាវ ហ៊ុន​ សុីណាត​ ចំនួន៥២០០​ ត្រូវបានលោកស្រីអៀង ចាន់ឌី និងលោក​ ភាព នាំយកជូនគណបក្សប្រជាជនកម្ពុជាខេត្តស្ទឹងត្រែង

ការប្រគល់ទទួលអាវគណបក្សខាងលើ ធ្វើឡើងកាលពីថ្ងៃទី២២​ ខែឧសភា​ ឆ្នាំ២០២២​ រវាងលោកស្រី​ អៀង ចាន់ឌី​ និងលោក​ ភាពតំណាងលោកជំទាវ ហ៊ុន សុីណាត និងឯកឧត្តម ស្វាយ សំអ៊ាង ប្រធានគណកម្មាធិការគណបក្សប្រជាជនកម្ពុជាខេត្តស្ទឹងត្រែង​ និងជាអភិបាលខេត្តស្ទឹងត្រែង។

លោកស្រី​ អៀង ចាន់ឌី បានជម្រាបជូនឯកឧត្តម ស្វាយ​ សំអ៊ាង ថាដើម្បីចូលរួមក្នុងយុទ្ធនាការឃោសនារកសម្លេងឆ្នោត សម្រាប់ការបោះឆ្នោតជ្រើសរើសក្រុមប្រឹក្សាឃុំ/សង្កាត់​ អាណត្តិទី៥​ ឆ្នាំ២០២២នេះ លោកជំទាវ ហ៊ុនសុីណាត បានផ្តល់អាវចំនួន​៥,២០០អាវ​ ក្នុងនោះជូនគណបក្សប្រជាជនខេត្តស្ទឹងត្រែង​ ៥,០០០​អាវ​ ,ជូនគណបក្សស្រុកសេសាន​ ១លានរៀល,និងជូនគណបក្សស្រុកបូរីអូរស្វាយ២០០អាវ ដើម្បីចែកជូនសមាជិកសមាជិកា​រ​ និងអ្នកគាំទ្រគណបក្សប្រជាជនកម្ពុជាក្នុងយុទ្ធនាការរកសម្លេងឆ្នោត។​ 

ឯកឧត្តម ស្វាយ សំអ៊ាង ជំនួសមុខអោយគណបក្សប្រជាជនកម្ពុជាខេត្តស្ទឹងត្រែងទាំងមូល សូមគោរពថ្លែងអំណរគុណយ៉ាងជ្រាលជ្រៅ ជូនចំពោះលោក ជំទាវ ហ៊ុន សុីណាត ដែលបានឧត្ថម្ភអាវ គណបក្សនាពេលនេះ។ឯកឧត្តមសន្យាថា នឹងយកអាវដែលមានសញ្ញាគណបក្សប្រជាជនកម្ពុជានេះធ្វើការបែងជូនគណបក្សស្រុក​ គណបក្សឃុំ​ តាមតម្រូវការជាក់ស្តែង។​ 

ឯកឧត្តមបានគោរពជូនពរលោកជំទាវ ហ៊ុន សុីណាត ព្រមទាំងក្រុមគ្រួសារសូមមានសុខភាពល្អបរិបូណ៌ កម្លាំងពលំមាំមួន សេចក្តីសុខ សេចក្តីចម្រើន ដើម្បីបានចូលរួមចំណែកក្នុងការកសាង និងអភិវឌ្ឍន៍ប្រទេសជាតិក្រោមម្លប់សន្តិភាព តរៀងទៅ៕​