នគរបាលខណ្ឌកំបូលសហការជាមួយរដ្ឋាបាលសាលខណ្ឌ ផ្សព្វផ្សាយស្ដីពីបញ្ហាក្មេងទំនើង គ្រឿងញៀន និងច្បាប់ចរាចរនៅសាលាវិទ្យាល័យបឹងធំ

ភ្នំពេញ ៖ លោកវរសេនីយ៍ឯក​ ហុង​ ពិសិដ្ឋ​ អធិការ​ នៃអធិការដ្ឋាននគរបាលខណ្ឌកំបូល​ បានដឹកនាំ​ លោកអធិការរង​ នាយប៉ុស្តិ៍នគរបាលរដ្ឋបាលបឹងធំ​ និងមន្ត្រីក្រោមឱវាទ សហការជាមួយលោក​ តោ​ វីរូ​ អភិបាលរង​ នៃគណៈអភិបាលខណ្ឌកំបូល​ អនុប្រធានការិយាល័យអប់រំ​ យុវជន​ និងកីឡាខណ្ឌកំបូល​ និងមន្ត្រីពាក់ព័ន្ធមួយចំនួនទៀត​ ចុះផ្សព្វផ្សាយពីផលប៉ះពាល់នៃគ្រឿងញៀន បញ្ហាក្មេងទំនេីង និងបញ្ហាគ្រោះថ្នាក់ចរាចរណ៍ ដល់សិស្សានុសិស្សនៅវិទ្យាល័យបឹងធំ សិស្សសរុបមានចំនួន ៥៩៩នាក់ ស្រី ៣៣២នាក់ នៅក្នុងសាលាវិទ្យាល័យបឹងធំ ដែលមានទីតាំងស្ថិតនៅក្នុងភូមិផ្សារកំបូល សង្កាត់បឹងធំ  ខណ្ឌកំបូល រាជធានីភ្នំពេញ នៅថ្ងៃទី៩ ខែមករា ឆ្នាំ២០២៤៕