រយៈពេល៦ថ្ងៃ សមត្ថកិច្ចក្រុងភ្នំពេញ ចាប់បានម៉ូតូកែច្នៃបំពង់ស៊ីម៉ាំងចំនួន ១២៦ គ្រឿង

ភ្នំពេញ៖ លោកវរសេនីយ៍ឯក សំ វិច្ឆិកា អ្នកនាំពាក្យស្នងការរដ្ឋាននគរបាលរាជធានីភ្នំពេញ បានបញ្ជាកឱ្យដឹងនៅថ្ងៃទី៤ ខែមិថុនា ឆ្នាំ២០២៥នេះ រយៈពេល៦ថ្ងៃ ពោលគិតចាប់ពីថ្ងៃទី៣០ ខែឧសភា ដល់ ថ្ងៃទី៤ ខែមិថុនា ឆ្នាំ២០២៥នេះ សមត្ថកិច្ចនៃស្នងការនគរបាលរាជធានីភ្នំពេញ ឃាត់ម៉ូតូកែច្នៃបំពង់ស៊ីម៉ាំងប្រែនចំនួន ១២៦ គ្រឿង ក្នុងនោះតម្រូវឱ្យម្ចាស់យកបំពង់ស៊ីម៊ាំងដើមមកដោះដូរបាន ចំនួន៣៤គ្រឿង និងនៅរក្សាទុក ចំនួន៩២គ្រឿង រងចាំម្ចាស់យកបំពង់ស៊ីម៊ាំងដើមមកដោះដូរបន្ត៕