ខេត្តឧត្តរមានជ័យ៖ នៅវេលាម៉ោង០១:៤០នាទីរសៀល ថ្ងៃទី២៧ ខែឧសភា ឆ្នាំ២០១៩ កម្លាំងមូលដ្ឋាន កងរាជអាវុធហត្ថស្រុកត្រពាំងប្រាសាទ ខេត្តឧត្ដរមានជ័យ បានធ្វើការឃាត់ខ្លួនជនសង្ស័យម្នាក់ឈ្មោះ អ៊ីន រ័ត្ន ភេទប្រុស អាយុ២៦ឆ្នាំ មុខរបរធ្វើស្រែ រស់នៅភូមិស្រែក្រសាំង ឃុំ-ស្រុកត្រពាំងប្រាសាទ ខេតតឧត្ដរមានជ័យ ពាក់ព័ន្ធករណីឃាតកម្ម មូលហេតុទំនាស់ក្នុងក្រុមគ្រួសារ។

ជនរងគ្រោះឈ្មោះ ឆន ស្រីមុំ (ត្រូវជាប្រពន្ធរបស់ជនសង្ស័យ) អាយុ ២៦ឆ្នាំ មុខរបរធ្វើស្រែ រស់នៅភូមិឃុំជាមួយគ្នា ។ ដោយជនសង្ស័យបានយកកាំបិតផ្គាក់កាប់ទៅលើជនរងគ្រោះត្រូវចំនួន ០៣កាំបិតចំក្រោមត្រចៀកឆ្វេង ស្លាប់នៅកន្លែងកើតហេតុ សម្ភារៈវត្ថុតាងដកហូតមានកាំបិទផ្គាក់០១, កាំបិទចិតបន្លែ ០១។

បច្ចុប្បន្នជួនសង្ស័យ ត្រូវបានមន្ត្រីជំនាញ កងរាជអាវុធហត្ថខេត្តកំពុងបន្តនីតិវិធី ។