ករណីអគ្គិភ័យឆាបឆេះលំនៅដ្ឋានរបស់ប្រជាពលរដ្ឋនៅផ្សារដារ ភូមិដារផ្សារ ឃុំដារ ស្រុកមេមត់

ខេត្តត្បូងឃ្មុំ៖ ថ្ងៃទី១៩ ខែកញ្ញា ឆ្នាំ២០១៩ វេលាម៉ោងប្រមាណជា០២:០០នាទីរំលងអាធ្រាត នៅភូមិដារផ្សារ ឃុំដារ ស្រុកមេមត់ ខេត្តត្បូងឃ្មុំ មានករណីភ្លើងឆេះផ្ទះរបស់ប្រជាពលរដ្ឋនៅភូមិដារផ្សារ ឃុំដារ ស្រុកមេមត់ ដែលមានឈ្មោះ ដូចខាងក្រោម៖
១-ឈ្មោះ ជា ចន្ធូ ភេទប្រុស សង់ពីថ្ម(ឆេះខ្លះ)
២-ឈ្មោះ ហ៊ួត អេង ភេទប្រុស សង់ពីឈើ (ឆេះអស់)
៣-ឈ្មោះ តុល ស៊ាងហ៊ួត ភេទប្រុស សង់ពីឈើ(ឆេះអស់)
៤-ឈ្មោះ ឆាយ ស៊ីវហួយ ភេទស្រី សង់ពីឈើ(ឆេះអស់)
៥-ឈ្មោះ អ៊ឹង ឆាយ ភេទប្រុស សង់ពីឈើ(ឆេះអស់)
៦-ឈ្មោះ លាង សុង ភេទប្រុស សង់ពីឈើ(ឆេះអស់)
៧-ឈ្មោះ ម៉ូវ ស៊ីណា ភេទស្រី សង់ពីឈើ(ឆេះអស់)
៨-ឈ្មោះ ម៉ូវ ស៊ីថា ភេទស្រី សង់ពីឈើ(ឆេះអស់)
៩-ឈ្មោះ គ្រួច សំកេន ភេទប្រុស សង់ពីថ្ម (ឆេះខាងមុខ)
១០-ឈ្មោះ ឈិន ឈឿង ភេទប្រុស សង់ពីថ្ម(ឆេះខាងមុខ)
១១-ឈ្មោះ ហ៊ូ វ៉េ ភេទប្រុស សង់ពីឈើខាងមុខ ថ្មខាងក្រោយ(ឆេះខ្លះ)

ឡានទឹកដែលចេញអន្តរាគមន៍ជួយពន្លត់មាន ឡានអគ្គិភ័យ នៃអធិការដ្ឋាននគរបាលតាមបណ្តាស្រុកចំនួន៦ឡាន និងមកពីខេត្ត២ឡាន ព្រមទាំងឡានខាងក្រុមហ៊ុនចំការកៅស៊ូមេមត់បានជួយពន្លត់ផងដែរ ដោយប្រើប្រាស់ទឹកសរុបអស់ ៣៥ឡាន។

រហូតមកដល់ម៉ោង០៤:៣០នាទីទៀបភ្លឺ ថ្ងៃទី១៩ ខែកញ្ញា ឆ្នាំ២០១៩ ទើបគ្រប់គ្រងបានស្ទើរ១០០%។ ជាមួយគ្នានោះដែរ លោកឧត្តមសេនីយ៍ទោ បែន រ័ត្ន បានដឹកនាំបញ្ជាអោយទុកឡានទឹក៣គ្រឿង អោយប្រចាំការមួយរយះទៀតដើម្បីត្រៀមពិនិត្យក្រែងមានបញ្ហាសេសសល់ ៕