ឯកឧត្ដម ស្រ៊ន សំឫទ្ធី អភិបាលរងខេត្តកំពង់ឆ្នាំង បានអញ្ជើញដឹកនាំមន្ត្រីរដ្ឋបាលខេត្ត និងមន្ទីរជំនាញ ចូលរួមសិក្ខាសាលាផ្សព្វផ្សាយច្បាប់ស្តីពី ការគ្រប់គ្រងប្រេងកាត និងផលិតផលប្រេងកាត

កំពង់ឆ្នាំង៖ ថ្ងៃសុក្រ ០៦កើត ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៤ ខែតុលា ឆ្នាំ២០១៩នេះ ឯកឧត្ដម ស្រ៊ន សំឫទ្ធី អភិបាលរង នៃគណៈអភិបាលខេត្តកំពង់ឆ្នាំង បានអញ្ជើញចូលរួមសិក្ខាសាលាផ្សព្វផ្សាយច្បាប់ស្តីពី ការគ្រប់គ្រងប្រេងកាត និងផលិតផលប្រេងកាត នៅសណ្ឋាគារសុខាភ្នំពេញ រាជធានីភ្នំពេញ ដោយមានការចូលរួមពីលោក អ៊ុក រស់ ប្រធានមន្ទីររ៉ែ និងថាមពលខេត្ត លោកនាយកទីចាត់ការអន្តរវិស័យសាលាខេត្ត ដែលបានរៀបចំឡើងដោយ ក្រសួងរ៉ែ និងថាមពល។

គោលបំណងនៃសិក្ខាសាលា គឺផ្តោតសំខាន់លើ ការជំរុញអភិវឌ្ឍន៍វិស័យប្រេងកាត ប្រកបដោយនិរន្តរភាព និងប្រសិទ្ធភាព ដើម្បីរួមចំណែកអភិវឌ្ឍសេដ្ឋកិច្ច សង្គម និងផលប្រយោជន៍យូរអង្វែងរបស់ប្រទេសជាតិ និងមានគោលដៅ កំណត់អំពីសមត្ថភាព និងវិធាននៃការគ្រប់គ្រងវិស័យប្រេងកាត ៕