អភិបាលខេត្តបន្ទាយមានជ័យ តែងតែយកចិត្តទុកដាក់លើទុក្ខលំបាករបស់បងប្អូនប្រជាពលរដ្ឋ

បន្ទាយមានជ័យ៖ នៅថ្ងៃទី៥ ខែតុលា ឆ្នាំ២០១៩នេះ ក្នុងនាមសាខាកាកបាទក្រហមកម្ពុជាខេត្ត លោក អ៊ុ រាត្រី និងលោកស្រី ជ័យ ណារី ព្រមទាំងសមាជិក សមាជិកាសាខា អនុសាខា បានអញ្ជើញនាំយកនូវអំណោយមនុស្សធម៌ទៅចែកជូនគ្រួសារក្រីក្រចាស់ជរាពិការស្ត្រីមេម៉ាយ ចំនួន ១០គ្រួសារ នៅភូមិជ្រាប់ថ្មី(ភូមិជនជាតិភាគតិច) ឃុំជប់វារី ស្រុកព្រះនេត្រព្រះ ។

អំណោយមនុស្សធម៌ក្នុងមួយគ្រួសារៗទទួលបានរួមមាន៖  អង្ករ ២៥គីឡូក្រាម. ត្រីខ ១០កំប៉ុង. មី ១កេស .ទឹកស៊ីអ៊ីវ ៣ដប. ប្រេងឆា ១ដប. មុង ១ . ភួយ ១ . សារុង ១. ក្រមា ១ . អាវយឺត ១ .ថវិកា ២មឺនរៀល និងរទះរុញជនពិការ ១គ្រឿង (សម្រាប់ជនពិការ ១គ្រួសារ) ផងដែរ ៕