ឯកឧត្តម នាយឧត្តមសេនីយ៍ យន្ត មីន រដ្ឋលេខាធិការក្រសួងការពារជាតិ អញ្ជើញចុះសាកសួរសុខទុក្ខកងទព័ និងមន្ត្រីមូលដ្ឋាននៅតំបន់ឆាយអារ៉ែង​-ថ្មបាំង

ខេត្តកោះកុង៖ ឯកឧត្តម នាយឧត្តមសេនីយ៍ យន្ត មីន រដ្ឋលេខាធិការក្រសួងការពារជាតិ ក្នុងសប្តាហ៍នេះ បានអញ្ជើញចុះទៅតំបន់ ឆាយអារ៉ែង​-ថ្មបាំង ដើម្បីសាកសួរសុខទុក្ខកងទព័ និងមន្ត្រីមូលដ្ឋាននៅតំបន់នោះ ។

នាយឧត្តមសេនីយ៍ យន្ត មីន មានប្រសាសន៍ រំលឹកអំពីអនុស្សាវរីយ៍(តំបន់ឆាយអារ៉ែង​-ថ្មបាំង) សម័យឆ្នាំ១៩៩៥-ដេីមឆ្នាំ១៩៩៦ ដែលកាលនោះនៅជាតំបន់ប្រទង់ប្រទាញ​នៅឡេីយ ក្នុងនោះឯកឧត្តមបានចូលទៅពិនិត្យមេីលកន្លែងដែលឯកឧត្តមធ្លាប់ដឹកនាំដាក់ទ័ព​ឈរជេីងប្រចាំការ ធ្លាប់ប៉ះទង្គិច(ប្រយុទ្ធ)ដោយអាវុធ​ មានអ្នកពលី​ របួស​ដេីម្បីការពារសន្តិសុខជូនប្រជាជន​ ។

បើតាមឯកឧត្តមមានប្រសាសន៍ថា កាលនោះសុទ្ធតែព្រៃ​ ដេីរដោយជេីង​ ខុសពីបច្ចុប្បន្ននេះរាជរដ្ឋាភិបាលបង្កេីតជាភូមិ​ ឃុំ​ ស្រុក មានផ្លូវ​ ឡាន​ ម៉ូតូរត់បានហូរហែរ​ សឹងតែគ្រប់ភូមិហេីយ​ ប្រជាជនខ្លះធ្វេីផ្ទះធំៗ​ មានសាលារៀន​ មណ្ឌលសុខភាព​ វត្ត​អារាម ដែលរាជរដ្ឋាភិបាល​មានទស្សនៈវិសយ័រៀបចំតំបន់នេះប្រែមុខមាត់​ រីកចំរេីន​ កែប្រែពីតំបន់អតីតៈសមរភូមិ ទៅជាតំបន់អភិវឌ្ឍន៍៕