កិច្ចប្រជុំ ពិភាក្សាលើគម្រោងអភិវឌ្ឍន៍ធ្វើផ្លូវទៅកំពង់ផែទេសចរណ៍ ADB ស្ថិតនៅ ភូមិជុំក្រៀល ឃុំជុំក្រៀល ស្រុកទឹកឈូ ខេត្តកំពត

ខេត្តកំពត៖ ព្រឹកថ្ងៃព្រហស្បតិ៍ ១៤រោច ខែបុស្ស ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៣ ខែមករា ឆ្នាំ២០២០ នៅសាលប្រជុំក្រុមប្រឹក្សាខេត្តកំពតមានបើកកិច្ចប្រជុំ ពិភាក្សាលើគម្រោងអភិវឌ្ឍន៍ធ្វើផ្លូវទៅកំពង់ផែទេសចរណ៍ ADB ស្ថិតនៅ ភូមិជុំក្រៀល ឃុំជុំក្រៀល ស្រុកទឹកឈូ ខេត្តកំពត ក្រោមអធិបតីភាព ឯកឧត្តម ជាវ តាយ អភិបាលនៃគណៈអភិបាលខេត្តកំពត និងមានការអញ្ជើញចូលរួមពីសំណាក់ឯកឧត្តមអភិបាលរងនៃគណៈអភិបាលខេត្ត អភិបាលនៃគណៈអភិបាលក្រុងស្រុក តំណាងក្រសួងទេសចរណ៍ ប្រធាន អនុប្រធានមន្ទីរ អង្គភាព ព្រមទាំងមន្ត្រីជំនាញពាក់ព័ន្ធជាច្រើនរូបទៀត។

ឯកឧត្តម ជាវ តាយ អភិបាលនៃគណៈអភិបាលខេត្តកំពតបានជំរុញដល់គ្រប់មន្ត្រីពាក់ព័ន្ធពន្លឿនកិច្ចការងារ ពិសេសធ្វើការសម្របសម្រួលលើផលប៉ះពាល់ចាប់ពីផ្លូវបំបែកផ្លូវលេខ៧៣៥ដល់ទីតាំងកំពង់ផែផ្ទាល់។ កិច្ចសហការទាំងនេះនឹងឱ្យជួយដល់ដំណើរការស្ថាបនាហេដ្ឋារចនាសម្ព័ន្ធទាំងឡាយឆាប់បានសម្រេចរួចរាល់ស្របតាមការរំពឹងទុករបស់ក្រសួងទេសរណ៍ដែលជាស្ថាប័នសាមីគម្រោង៕