អភិបាលខេត្តមណ្ឌលគិរី នាំយកថវិកាសមាគមអតីតយុទ្ធជន និងថវិការដ្ឋបាលខេត្តចំនួន៤លាន៥០ម៉ឺនរៀល ផ្តល់ជូនក្រុមគ្រួសារសពលោក ជ័យ សាផន

ខេត្តមណ្ឌលគិរីះ នាព្រឹកថ្ងៃទី១១ ខែមករា ឆ្នាំ២០២០ ឯកឧត្តម ស្វាយ សំអ៊ាង អភិបាលនៃគណៈអភិបាលខេត្តមណ្ឌលគិរី និងឯកឧត្តម ណយ ស្រូន សមាជិកព្រឹទ្ធសភា នីតិកាលទី៤ មណ្ឌលភូមិភាគ៨ លោកឧត្តមសេនីយ៍ទោ សាន គឹម អឿន មេបញ្ជាការតំបន់ប្រតិបត្តិការសឹករងមណ្ឌលគិរី លោក នាយក នាយករងរដ្ឋបាលសាលាខេត្ត និងមន្ទីរអង្គភាព បានចូលរួមរំលែកទុក្ខ និងនាំយកថវិកាសមាគមអតីតយុទ្ធជនចំនួន ៤លានរៀល និងថវិការដ្ឋបាលសាលាខេត្តចំនួន ៥០ម៉ឺនរៀល និងអង្ករ ៥០គីឡូក្រាម និងបានបន្ថែមថវិការបស់ឯកឧត្តម អភិបាលខេត្តចំនួន ២០០$ ផ្តល់ជូនដល់ក្រុមគ្រួសារសពលោក ជ័យ សាផន ជាអតីតយុទ្ធជនកម្ពុជាខេត្ត ដែលបានទទួលមរណ:ភាព កាលពីថ្ងៃទី៩ ខែមករា ឆ្នាំ២០២០ ក្នងជន្មាយុ ៧២ឆ្នាំ ដោយរោគាពាធ នៅភូមិស្វាយចេក សង្កាត់សុខដុម ក្រុងសែនមនោរម្យ ៕