អនុសាខាសមាគមនារីកម្ពុជា​ ដេីម្បីសន្ដិភាព​ និងអភិវឌ្ឍន៍ខណ្ឌចំការមន​ ចុះចែកអំណោយសប្បុរសធម៌​ជូនប្រជាពលរដ្ឋក្រីក្រ​ និងបានផ្សព្វផ្សាយពីកម្មវិធីឧបត្ថម្ភចំពោះស្ត្រីមានផ្ទៃពោះ​ និងកុមារអាយុក្រោម២ឆ្នាំ​

ភ្នំពេញ៖ នៅព្រឹកថ្ងៃសុក្រ​ ១០កេីត​ ខែពិសាខ​ ឆ្នាំជូត​ ទោស័ក​ ព.ស.២៥៦៣​ ត្រូវនឹងថ្ងៃទី០១​ ខែឧសភា​ ឆ្នាំ២០២០ អនុសាខាសមាគមនារីកម្ពុជា​ ដេីម្បីសន្ដិភាព​ និងអភិវឌ្ឍន៍ខណ្ឌចំការមន​ ដឹកនាំដោយលោកស្រី​ ឥន​ លីម្មី​ ប្រធានអនុសាខាសមាគមនារី​ ដេីម្បីសន្ដិភាព​ និងអភិវឌ្ឍន៍ខណ្ឌចំការមន​ អមដំណេីរដោយលោកស្រីសមាជិកាក្រុមប្រឹក្សាខណ្ឌ​ លោកស្រីអភិបាលរង​ខណ្ឌចំការមន​ បានចុះ​ចែកអំណោយសប្បុរសធម៌ជូនដល់ប្រជាពលរដ្ឋក្រីក្រីចំនួន​ ២០គ្រួសារ​ ដែលរស់នៅក្នុងភូមិ​៩​ ភូមិ១៦​ ក្នុងសង្កាត់ទន្លេបាសាក់​ ខណ្ឌចំការមន រាជធានីភ្នំពេញ

ជាមួយការចុះ​ចែកអំណោយសប្បុរសធម៌នេះ ក៏មានការផ្សព្វផ្សាយពីកម្មវិធីឧបត្ថម្ភសាច់ប្រាក់ចំពោះស្ត្រីមានផ្ទៃពោះ​ និងកុមារអាយុក្រោម២ឆ្នាំ​ ពីរាជរដ្ឋាភិបាល​ សម្រាប់ទៅទទួលសេវាថែទាំមានផ្ទៃពោះ​ មុនសម្រាល​ ពេលសម្រាល​ ក្រោយសម្រាល​ និងការចាក់វ៉ាក់សាំងកុមារនៅមណ្ឌលសុខភាព​ ឬមន្ទីរពេទ្យរដ្ឋ​ ព្រមទាំងបានផ្សព្វផ្សាយអំពីបង្ការ​ និងទប់ស្កាត់ការរីករាលដាលនៃជំងឺកូវីដ១៩ផងដែរ ៕