លោក ថោង ខុន រដ្ឋមន្ត្រីក្រសួងទេសចរណ៍ និងលោក ឃួង ស្រេង អភិបាលរាជធានីភ្នំពេញ អញ្ជើញជាអធិបតីភាពក្នុងកិច្ចប្រជុំត្រួតពិនិត្យការអនុវត្ត បទដ្ឋានគតិយុត្តដាក់ឱ្យអនុវត្តន៍វិធានសុវត្ថិភាពទេសចរណ៍ជំហានទី១ សម្រាប់ដំណាក់ កាលវិបត្តិជំងឺកូវីដ-១៩(Covid-19 )

ភ្នំពេញ៖ នៅព្រឹកថ្ងៃទី២៩ ខែមិថុនា ឆ្នាំ២០២០នេះ លោក ថោង ខុន រដ្ឋមន្ត្រីក្រសួងទេសចរណ៍ និងលោក ឃួង ស្រេង អភិបាលរាជធានីភ្នំពេញ បានអញ្ជើញជាអធិបតីភាពក្នុងកិច្ចប្រជុំត្រួតពិនិត្យការអនុវត្ត បទដ្ឋានគតិយុត្តដាក់ឱ្យអនុវត្តន៍វិធានសុវត្ថិភាពទេសចរណ៍ជំហានទី១ សម្រាប់ដំណាក់ កាលវិបត្តិជំងឺកូវីដ-១៩(Covid-19 ) និងផែនការអនុវត្តបន្ត ។

ពិធីនេះក៏មានការចូលរួម ពីសមាគមទេសចរ វិស័យឯកជន មន្ត្រីរាជការ កងកម្លាំងប្រដាប់អាវុធ និងប្រតិបត្តិករទេសចរក្នុងរាជធានីភ្នំពេញ ហើយគោលបំណងនៃពិធីនេះ គឺដើម្បីធានាដល់អ្នកបម្រើការងារក្នុង វិស័យទេសចរណ៍ បដិសណ្ឋារកិច្ច និងធ្វើដំណើរមានសុវត្ថិភាព និងគុណវុឌ្ឍិក្នុងការ ផ្ដល់សេវាកម្មជូនភ្ញៀវទេសចរប្រកបដោយគុណភាព សុវត្ថិភាព និងអនាម័យ ឆ្លើយតបនឹង វិបត្តិនៃការរីករាលដាលជំងឺកូវីដ-១៩នាពេលបច្ចុប្បន្ននេះ។