នាយឧត្តមសេនីយ៍ សៅ សុខា អញ្ជើញចុះត្រួតពិនិត្យគោលដៅបិទបម្រាមគោចរនៅផ្លូវ ៦០ម៉ែត្រ!

ភ្នំពេញ៖ ព្រឹកថ្ងៃសៅរ៍ ទី១៧ ខែមេសា ឆ្នាំ២០២១ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និងជាសមាជិកគណៈកម្មាការជាតិគ្រប់គ្រង និងដឹកនាំការអនុវត្តវិធានការបិទខ្ទប់ "គ.ប.ខ." បានអញ្ជើញចុះត្រួតពិនិត្យគោលដៅបិទបម្រាមគោចរក្នុងរាជធានីភ្នំពេញ នៅផ្លូវ ៦០ម៉ែត្រ។ ក្នុងការចុះត្រួតពិនិត្យនេះ លោក នាយឧត្តមសេនីយ៍ សៅ សុខា បានផ្ដល់ជូននូវស្រោមដៃ ឧបករណ៍សម្លាប់មេរោគលើឯកសារ និងឧបករណ៍បំពងសម្លេង(មេក្រូ)។ ជាមួយគ្នានេះ លោក នាយឧត្តមសេនីយ៍ សៅ សុខា ក៏បានណែនាំនូវវិធីសាស្រ្ត និងវិធានការផ្សេងៗ ដើម្បីជៀសវាង ការពារកុំឱ្យឆ្លងជំងឺកូវីដ.១៩។