ភ្នំពេញ ៖ កាលពី យប់ ថ្ងៃទី១៤ ខែមករា ឆ្នាំ២០២២ នៅចំណុចច្រកចុះវត្តសន្សំកុសល ស្ថិតក្នុងសង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ ។
នៅមុនកើតហេតុ ជនសង្ស័យមួយក្រុមមានគ្នាជាច្រើននាក់ បានជិះរថយន្តមួយគ្រឿងម៉ាកព្រូស មិនចាំផ្លាកលេខ និងម៉ូតូជាច្រើនគ្រឿង ធ្វើដំណើរដល់ចំណុចកើតហេតុ រួចមិនដឹងមានមូលហេតុខឹងសម្បានឹងរឿងអ្វីអោយប្រាកដ ក៏ជនសង្ស័យភាគីខាងជិះម៉ូតូ បានដកកាំភ្លើងខ្លីពីចង្កេះបាញ់ឡើងលើចំនួន៧គ្រាប់រួចបើករថយន្ត និងម៉ូតូចាកចេញពីកន្លែងកើតហេតុបាត់ស្រមោលតែម្តង ។
កម្លាំងសមត្ថកិច្ចចម្រុះបានល្បាតពួនស្ទាក់ឃើញរថយន្ត ក្រុមជនសង្ស័យ ក៏បានដេញតាមចាប់ប្រភីង រហូតដល់ចំណុចវត្តដំបូកខ្ពស់ ក៏បានដានសូន្យតែម្តង។
សមត្ថកិច្ចមូលដ្ឋានរួមទាំងកម្លាំងនគរបាលនៃអធិការដ្ឋាននគរបាលខណ្ឌមានជ័យ បានចុះអន្តរាគមន៍ដល់ទីតាំងកើតហេតុ ( ចំណុចផ្ទុះអាវុធ ) នឹងបានរើសសម្បកគ្រាប់កាំភ្លើងបានចំនួន០៤គ្រាប់ ក្នុងចំនួន០៧គ្រាប់ ដែលបានបាញ់ ៕
No comments:
Post a Comment