ជនសង្ស័យចំនួន០២នាក់ ពាក់ព័ន្ធករណីប៉ុនប៉ងលួចម៉ូតូ ត្រូវបានកម្លាំងអធិការដ្ឋាននគរបាលខណ្ឌជ្រោយចង្វារ ឃាត់ខ្លួន

នៅថ្ងៃទី២៨ ខែកក្កដា ឆ្នាំ២០២២ វេលាម៉ោង២២:៣០នាទី កម្លាំងអធិការដ្ឋាននគរបាលខណ្ឌជ្រោយចង្វារ ឃាត់ខ្លួនជនសង្ស័យចំនួន០២នាក់ នៅចំណុចផ្លូវបេតុង ភូមិភៀនឃ្លាំង សង្កាត់ជ្រោយចង្វារ ខណៈកម្លាំងចុះល្បាតក្នុងមូលដ្ឋាន

ឃាត់ខ្លួនជនសង្ស័យចំនួន០២នាក់ ៖

១-ឈ្មោះ​ ហង្ស សុវណ្ណឌី ភេទប្រុស​ អាយុ៣២ឆ្នាំ​ ស្នាក់នៅ សង្កាត់បឹងកេងកង២ ខណ្ឌចំការមន រាជធានីភ្នំពេញ 

មុខរបរ​មិនពិតប្រាកដ។

២-ឈ្មោះ ផាន មករា ហៅមាក់ ភេទប្រុស អាយុ១៩ឆ្នាំ ស្នាក់នៅ ផ្លូវលំ ភូមិស្វាយ ឃុំឆ្វែង ស្រុកពញាឭ ខេត្តកណ្ដាល មុខរបរអ៊ុតម៉ូតូ។

វត្ថុតាងចាប់យក៖ ម៉ូតូម៉ាក់SUZUK LETS ពណ៌ខ្មៅ សេរីឆ្នាំ២០១៥, ដែកសំប៉ែតចុងស្រួច ចំនួន០១, កូនសោក្សៀលេខ៨ ចំនួន០១, ដែកលួសក្រង៉ុក ចំនួន០១ និងកូនសោម៉ូតូ ចំនួន០២។

បច្នុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលខណ្ឌជ្រោយចង្វារ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីវិធីច្បាប់៕