ភ្នំពេញ : នៅថ្ងៃទី១០ ខែតុលា ឆ្នាំ២០២២ វេលាម៉ោង ០៧ម៉៣០នាទីព្រឹក កម្លាំងប៉ុស្ដិ៍នគរបាលរដ្ឋបាលបឹងទំពន់ទី២ បានធ្វើការឃាត់ខ្លួនជនសង្ស័យម្នាក់ឈ្មោះ កឹម សុភាព ភេទប្រុស អាយុ ៤៨ឆ្នាំ ពាក់ព័ន្ធករណីអំពើលួច (យកម៉ូតូ ០១គ្រឿង)នៅចំណុចបណ្តោយផ្លូវ៦៩BT សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ ដែលបានប្រព្រឹត្តនៅចំណុចផ្ទះលេខ១២៩ ផ្លូវលំ ក្រុម៧ ភូមិក្បាលទំនប់ទី៣ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ កាលពីថ្ងៃទី១០ ខែតុលា ឆ្នាំ២០២២ វេលាម៉ោង ០៧ព្រឹក ។
ជនរងគ្រោះឈ្មោះ ខន ស្រីម៉ុច ភេទស្រី អាយុ ២២ឆ្នាំ ជនជាតិខ្មែរ ទីលំនៅបច្ចុប្បន្នស្នាក់នៅផ្ទះលេខ១២៩ ផ្លូវលំ ក្រុម៧ ភូមិក្បាលទំនប់ទី៣ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ មុខរបរ និស្សិតពេទ្យ ។
ជនសង្ស័យឈ្មោះ កឹម សុភាព ភេទប្រុស អាយុ ៤៨ឆ្នាំ ជនជាតិខ្មែរ ស្នាក់នៅផ្ទះលេខ១២៩ ផ្លូវលំ ក្រុម៧ ភូមិក្បាលទំនប់ទី៣ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញមុខរបរ មិនពិតប្រាកដ (មានសារធាតុញៀន)។
-ភស្តុតាងចាប់យក : ម៉ូតូ ០១គ្រឿងម៉ាក សេ១២៥ ពណ៌ខ្មៅ ពាក់ស្លាកលេខ តាកែវ ១V-៦១៦៤ ។
បច្ចុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕
No comments:
Post a Comment