ឯកឧត្តមអភិបាលខេត្តកំពតដឹកនាំមន្ត្រីរាជការសម្អាតអនាម័យអបអរទិវាបរិស្ថានជាតិ

 ខេត្តកំពត៖ នាព្រឹកថ្ងៃព្រហស្បតិ៍ ទី២៨ ខែវិច្ឆិកា ឆ្នាំ២០១៩ ឯកឧត្តម ជាវ តាយ អភិបាលនៃគណៈអភិបាលខេត្តកំពត​បានអញ្ជើញជា​អធិបតីក្នុងទិវាអនាម័យបរិស្ថានជាតិ ២៣វិច្ឆិកា នៅសួនច្បារឆ្នេរ​ព្រែកកំពង់បាយ ក្រុងកំពត។ ពិធីនេះមានការចូលរួមពីថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ សិស្ស និស្សិតប្រមាណជាង១.២០០នាក់។

ភ្ជាប់ជាមួយទិវាខាងលើ ឯកឧត្តមអភិបាលនៃគណៈអភិបាល​ខេត្តបានដឹកនាំសមាជិកសមាជិកានៃអង្គពិធីដើរសម្អាតអនាម័យដើម្បីបង្កើនសោភ័ណក្រុងឱ្យកាន់តែស្រស់បំព្រងថែមទៀត។

ជាមួយពីធីដ៏មានអត្ថន័យនេះ ឯកឧត្តម  ជាវ តាយ ក៏បានផ្តាំផ្ញើដល់អ្នកចូលរួម ក៏ដូចជាប្រជាពលរដ្ឋគ្រប់មជ្ឈដ្ឋានត្រូវ​បន្តយកចិត្តទុកដាក់ក្នុងការរក្សាអនាម័យបរិស្ថានសម្រាប់ជាមុខមាត់ខេត្តនាឱកាសបុណ្យសមុទ្រដ៏ខ្លីខាងមុខ ក៏ដូចជាដើម្បីសុខុមាល​ភាព​ទាំងអដ់គ្នា៕