អនុសាខាកាកបាទក្រហមស្រុកជីក្រែង បានចូលរួមចុះសួរសុខទុក្ខនិងចែកអំណោយរបស់សាខាកាកបាទក្រហមស្រុកជីក្រែង ជូនដល់ជនរងគ្រោះដោយសារមានភ្លើងឆេះផ្ទះ

ខេត្តសៀមរាប៖ នាព្រឹកថ្ងៃព្រហស្បតិ៍ ១រោច ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១២ ខែធ្នូ ឆ្នាំ២០១៩ លោក ពៅ ប៊ុនធឿន អភិបាល នៃគណៈអភិបាលស្រុក និងជាប្រធានអនុសាខាកាកបាទក្រហមស្រុកជីក្រែង និងលោក យន់ ស៊ីភន ប្រធានក្រុមប្រឹក្សាស្រុក ព្រមទាំងលោក លោកស្រី គណៈកម្មាធិការអនុសាខាកាកបាទក្រហមស្រុកជីក្រែង បានចូលរួមចុះសួរសុខទុក្ខនិងចែកអំណោយរបស់សាខាកាកបាទក្រហមស្រុកជីក្រែង ជូនដល់ជនរងគ្រោះឈ្មោះ ចិន គា ភេទប្រុស អាយុ៤០ឆ្នាំ ភូមិបាក់អង្រុត ឃុំ គោកធ្លកក្រោម ស្រុកជីក្រែង ខេត្តសៀមរាប ដែលរងគ្រោះដោយសារមានភ្លើងឆេះផ្ទះ ក្នុងនោះទទួលបាន អង្ករ ៥០គីឡូក្រាម មីម៉ាម៉ា១កេស ទឹកសុីអុីវ១យួរ តង់១ មុង១ ភួយ១ សារុង១ ក្រមា១ ថវិកាចំនួន ១០០,០០០៛ និង ថវិកាឯកឧត្តមប្រធានក្រុមការងារថ្នាក់ជាតិចុះជួយឃុំ ចូលរួមចំនួន ២០០,០០០រៀលផងដែរ ។