ឯកឧត្តម ជាវ តាយ អភិបាលនៃគណៈអភិបាលខេត្តកំពត បានទទួលជួបជាមួយវិនិយោគិនចិនចំនួន២ក្រុមហ៊ុន ដែលមានបំណងចង់វិនិយោគធ្វើម្សៅម្នាងសិលា

ខេត្តកំពត៖ នាព្រឹកថ្ងៃសៅរិ៍ ទី១៤ ខែធ្នូ ឆ្នាំ២០១៩ ឯកឧត្តម ជាវ តាយ អភិបាលនៃគណៈអភិបាលខេត្តកំពត បានទទួលជួបជាមួយវិនិយោគិនចិនចំនួន២ក្រុមហ៊ុន ដែលមានបំណងចង់វិនិយោគធ្វើម្សៅម្នាងសិលា , ការរៀបចំបញ្ចាំងរូបភាពចូលក្នុងទឹកតាមរយះ, និងផលិតទឹកស្អាតនៅលើភ្នំបូកគោ។

ក្នុងឱកាសនោះដែរ ឯកឧត្តមអភិបាលខេត្ត បានទទួលស្វាគមន៍យ៉ាងកក់ក្តៅ ចំពោះវិនិយោគិន ដែលមានបំណងវិនិយោគក្នុងខេត្តកំពត ឯកឧត្តម បានស្នើឲ្យក្រុមហ៊ុនត្រលប់ទៅធ្វើផែនការវិនិយោគឲ្យបានច្បាស់លាស់សិន ដើម្បីអាចមានលទ្ធភាពឈានទៅរកការពិភាក្សាមួយកាន់តែស៊ីជម្រៅថែមទៀត។ ឯកឧត្តមអភិបាលខេត្តនឹងជួយសម្របសម្រួលជាមួយអាជ្ញាធរពាក់ព័ន្ធក្នុងខេត្ត នឹងជួយសម្រួលដល់នីតិវិធីមួយចំនួនឲ្យបានលឿន ជូនដល់ក្រុមហ៊ុន ដើម្បីឲ្យខេត្តកាន់តែរីកចម្រើនផងដែរ។