ខេត្តសៀមរាប៖ នាថ្ងៃព្រហស្បតិ៍ ១២រោច ខែមាឃ ឆ្នាំ កុរ ឯកស័ក ពស ២៥៦៣ ត្រូវនឹងថ្ងៃទី២០ ខែកុម្ភ: ឆ្នាំ២០២០ លោក ពៅ ពិសិដ្ឋ អភិបាលរងខេត្ត តំណាងឯកឧត្តម ទៀ សីហា អភិបាល នៃគណៈអភិបាលខេត្តសៀមរាប អញ្ជើញចូលរួមក្នុងកិច្ចប្រជុំពិភាក្សាការងារជាមួយ លោកស្រី អ៉ី ដាវី អនុប្រធានលេខាធិការដ្ឋាន នៃក្រុមប្រឹក្សាបណ្ណសារ ទីស្តីការគណ:រដ្ឋមន្ត្រី និងសហការី (ក.ប.ប) ស្តីពីការចុះពិនិត្យ និងវាយតម្លៃជាក់ស្តែងលើការគ្រប់គ្រងបណ្ណសារនៅខេត្តចំនួន៣ មានខេត្តកំពង់ចាម ខេត្តកំពង់ធំ និង រដ្ឋបាលខេត្តសៀមរាប ។

ដើម្បីធានាអោយការអនុវត្តការងារគ្រប់គ្រងបណ្ណសារ បានត្រឹមត្រូវតាមលក្ខណ:បច្ចេកទេស និងមានប្រសិទ្ធភាពខ្ពស់ កិច្ចពិភាក្សានេះក៏មានការអញ្ជើញចូលរួមពី លោកនាយកទីចាត់ការរដ្ឋបាល លោកនាយកទីចាត់ការគ្រប់គ្រងធនធានមនុស្ស និងលោក លោកស្រី នាយករងទីចាត់ លោក លោកស្រី ប្រធាន-អនុប្រធានការិយាល័យ សាលាខេត្ត ។