ខេត្តកែប៖ នៅព្រឹកថ្ងៃអង្គារ ៣កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៥ ខែកុម្ភៈ ឆ្នាំ២០២០នេះ រដ្ឋបាលខេត្តកែប​ បានបើកកិច្ចប្រជុំសាមញ្ញលើកទី០៩ របស់ក្រុមប្រឹក្សាខេត្តកែប អាណត្តិទី៣ ដែលប្រព្រឹត្តទៅក្រោមអធិបតីភាពដ៏ខ្ពង់ខ្ពស់ឯកឧត្តម សំ សារីន ប្រធានក្រុមប្រឹក្សាខេត្ត​ និង​ ឯកឧត្តម កែន សត្ថា អភិបាលនៃគណៈអភិបាលខេត្ត  ដោយការអញ្ជើញចូលរួមពីសំណាក​ ឯកឧត្តម លោកជំទាវ សមាជិក សមាជិកា ក្រុមប្រឹក្សាខេត្ត លោក លោកស្រី អភិបាលរងខេត្ត នាយករដ្ឋបាលស្ដីទី នាយករងរដ្ឋបាលសាលាខេត្ត នាយក នាយករងទីចាត់ការសាលាខេត្ត អភិបាល​ក្រុង​ ស្រុក​ ប្រធាន​ អនុប្រធាន​មន្ទីរ​អង្គភាពជុំវិញខេត្ត និងមន្ត្រីទទួលបន្ទុកព័ត៌មានរដ្ឋបាលខេត្តសរុបចំនួន៥៨រូប ។

កិច្ចប្រជុំបានលេីកយកនូវរបៀបវារ:មួយចំនួនដូចខាងក្រោម៖
១- ពិនិត្យពិភាក្សា និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី០៨ របស់ក្រុមប្រឹក្សាខេត្ត អាណត្តិទី៣ កាលពីថ្ងៃអង្គារ ៤កើត ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៨ ខែមករា ឆ្នាំ២០២០
២- ពិនិត្យពិភាក្សា និងអនុម័តសេចក្តីព្រាង សេចក្តីសម្រេច ស្តីពីការរៀបចំ និងការប្រព្រឹត្តទៅ នៃគណៈកម្មការរៀបចំគម្រោងខេត្ត
៣- សេចក្តីព្រាងរបាយការណ៍ ស្តីសកម្មភាពសំខាន់ៗ ដែលបានអនុវត្តដោយគណៈអភិបាលខេត្ត ក្នុងចន្លោះកិច្ចប្រជុំសាមញ្ញលើកទី០៨ ដល់លើកទី០៩ របស់រដ្ឋបាលខេត្ត
៤- ពិនិត្យពិភាក្សារ និងអនុម័តលើសេចក្តីព្រាងរបាយការណ៍ប្រចាំខែមករា ឆ្នាំ២០២០ និងលើកទិសដៅអនុវត្តការងារបន្ទាប់ របស់រដ្ឋបាលខេត្ត
៥- បញ្ហាផ្សេងៗ៕