លោកជំទាវ ហ៊ុន កុសនី អភិបាលរងខេត្តកណ្តាល និងលោកជំទាវ នួន នារតី សមាជិកក្រុមប្រឹក្សាខេត្តកណ្តាល អញ្ជើញបើកកិច្ចប្រជុំ ការអនុវត្តការងារលើកកំពស់វិស័យសេវាសង្គមក្នុងឆ្នាំ២០១៩ និងលើកទិសដៅផែនការសកម្មភាព និងថវិកាសម្រាប់ឆ្នាំ២០២០

ខេត្តកណ្តាល៖ នាព្រឹកថ្ងៃទី១៣ ខែមីនា ឆ្នាំ២០២០ លោកជំទាវ ហ៊ុន កុសនី អភិបាលរងខេត្តកណ្តាល និងលោកជំទាវ នួន នារតី សមាជិកក្រុមប្រឹក្សាខេត្តកណ្តាល បានអញ្ជើញបើកកិច្ចប្រជុំ ការអនុវត្តការងារលើកកំពស់វិស័យសេវាសង្គមក្នុងឆ្នាំ២០១៩ និងលើកទិសដៅផែនការសកម្មភាព និងថវិកាសម្រាប់ឆ្នាំ២០២០របស់ខេត្តកណ្តាល ក្នុងស្ថានភាពបច្ចុប្នន្ន ស្រុក ឃុំសង្កាត់។

លោកជំទាវបានមានស្រសាសន៍ថា ការបើកកិច្ចប្រជុំនាពេលនេះក្នុងគោលបំណងដើម្បីចែករំលែកចំណេះដឹង ព័ត៌មាន មេរៀន បទពិសោធន៍ និងអំពីវឌ្ឍនភាពនៃការអនុវត្តសកម្មភាពលើកកម្ពស់វិស័យសេវាសង្គមនាពេលកន្លងមក។

លោកជំទាវក៏បានវាយតំលៃខ្ពស់ ចំពោះការខិតខំប្រឹងប្រែងរបស់ លោក លោកស្រី ដែលបានអនុវត្តតាមតួនាទីភារកិច្ចរបស់ខ្លួននាពេលកន្លងមកបានយ៉ាងល្អប្រសើរ ប្រកបដោយស្មារតីទទួលខុសត្រូវខ្ពស់។

ការងារសេវាសង្គមនេះត្រូវបានដាក់ចេញដោយច្បាប់ និងលិខិតបទដ្ឋានគតិយុទ្ធនានា ព្រមទាំងការអនុវត្តដោយការយកចិត្តទុកដាក់ពីថ្នាក់ដឹកនាំនៅកម្រិតថ្នាក់ជាតិ រហូតដល់ថ្នាក់រាជធានីខេត្ត ក្រុង ស្រុក ខណ្ឌ ឃុំ សង្កាត់ នៅនឹងមូលដ្ឋាន៕