សម្ដេចក្រឡាហោម ស ខេង អញ្ជើញជាអធិបតីដ៏ខ្ពង់ខ្ពស់ក្នុងពិធី​ជួប​សំណេះ​​​សំណាលជាមួយមន្ដ្រីនគរបាលអន្តោប្រវេសន៍ នៅអាកាស​យាន​ដ្ឋានអន្តរជាតិភ្នំពេញ

ភ្នំពេញ៖ នាព្រឹកថ្ងៃអង្គារ ទី២៤ ខែមីនា ឆ្នាំ២០២០ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ អញ្ជើញជាអធិបតីដ៏ខ្ពង់ខ្ពស់​ក្នុងពិធីជួបសំណេះសំណាលជាមួយមន្ត្រីនគរបាលអន្តោប្រវេសន៍ នៅ​អាកាស​យានដ្ឋានអន្តរជាតិភ្នំពេញ (ច្រកស៊ីវិល)។

ក្នុងពិធីសំណេះសំណាលនេះ ក៏មានការអញ្ជើញចូលរួមពី ថ្នាក់ដឹកនាំ និងមន្រ្តីជាន់ខ្ពស់ក្រសួងមហាផ្ទៃ ព្រមទាំងមន្រ្តី និងបុគ្គលិកនៃ អាកាស​យាន ដ្ឋានអន្តរជាតិភ្នំពេញ អាកាសយានដ្ឋានអន្តរជាតិសៀមរាប និងអាកាសយានដ្ឋានអន្តរជាតិកេងកង ខេត្តព្រះសីហនុជាច្រើនរូបផងដែរ។

នាឱកាសនោះដែរ សម្ដេចក្រឡាហោម ស ខេង ក៏បានប្រគល់សម្ភារៈ​មួយចំនួន សម្រាប់ចែកជូនដល់មន្ដ្រីនគរបាលអន្ដោប្រវេសន៍ជួរមុខ រួមមាន៖ ម៉ាស់មុខចំនួន២០.០០០, ជែលសំលាប់មេរោគ (២៥០ml)ចំនួន៥០០ដប, ទឹកអាល់កុល (៥លីត្រ)ចំនួន១០០ប៊ីដុង និងស្រោមដៃ​ចំនួន៥,០០០គូ៕