រដ្ឋបាលខេត្តស្វាយរៀង រៀបចំវគ្គបណ្តុះបណ្តាលថ្នាក់ខេត្ត ស្តីពីនីតិវិធីការរៀបចំ និងការកសាងកម្មវិធីវិនិយោគបីឆ្នាំរំកិលខេត្ត ក្រុង ស្រុក និងឃុំ សង្កាត់

ខេត្តស្វាយរៀង៖ នាព្រឹកថ្ងៃអង្គារ៍ ១០កេីត ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៣ ខែមីនា ឆ្នាំ២០២០ រដ្ឋបាលខេត្តស្វាយរៀង បានសហការជាមួយក្រសួងផែនការ និងមន្ទីរផែនការខេត្ត បានរៀបចំវគ្គបណ្តុះបណ្តាលថ្នាក់ខេត្ត ស្តីពីនីតិវិធីការរៀបចំ និងការកសាងកម្មវិធីវិនិយោគបីឆ្នាំរំកិលខេត្ត ក្រុង ស្រុក និងឃុំ សង្កាត់ ស្ថិតក្រោមអធិបតីភាព ឯកឧត្តម ហ៊ូ តាំងអេង រដ្ឋលេខាធិការក្រសួងផែនការ តំណាងឯកឧត្តមកិត្តិសេដ្ឋាបណ្ឌិត ឆាយ ថន ទេសរដ្ឋមន្ត្រី រដ្ឋមន្រ្តីក្រសួងផែនការ រួមជាមួយ ឯកឧត្តម ភិន ឆាំ សមាជិកក្រុមប្រឹក្សាខេត្ត តំណាងឯកឧត្តមប្រធានក្រុមប្រឹក្សាខេត្ត និង ឯកឧត្តម រស់ ផារិទ្ធ អភិបាលរងខេត្ត តំណាងឯកឧត្តម ម៉ែន វិបុល អភិបាល នៃគណ:អភិបាលខេត្តស្វាយរៀង ។

វគ្គបណ្តុះបណ្តាលនេះ បានរៀបចំឡេីងនៅសាលប្រជុំនន្ទីសាលាខេត្ត និង មានការអញ្ជើញចូលរួម រួមមានៈ លោកជំទាវសមាជិកាក្រុមប្រឹក្សាខេត្ត លោក លោកស្រីប្រធាន អនុប្រធានមន្ទីរ​ អង្គភាពនានាជុំវិញ លោកស្រីនាយករងរដ្ឋបាលសាលាខេត្ត លោកនាយកទីចាត់ការចំណុះសាលាខេត្ត សមាជិកក្រុមប្រឹក្សាក្រុង ស្រុក​ លោកអភិបាលរងក្រុង ស្រុក និងប្រធានការិយាល័យផែនការ និងគាំទ្រឃុំសង្កាត់ សរុបវត្តមានចំនួន៧៩នាក់  ។