អាវុធហត្ថខណ្ឌមានជ័យបញ្ជូនសន្តិសុខម្នាក់ពាក់ពន្ធ័និងករណីជម្លៀសជនជាតិចិនចេញពីសណ្ឋាគារសុខាទៅកាន់អគ្គស្នងការនគរបាលជាតិ.!

ភ្នំពេញ៖ នៅ វេលាម៉ោង៨:៥០នាទីព្រឹក ថ្ងៃទី០៥ ខែមីនា ឆ្នាំ២០២១ កំលាំងអាវុធហត្ថខណ្ឌមានជ័យ បានទទួលនិង បញ្ជូនឈ្មោះ រ៉ែន សុធារ៉ា ភេទប្រុស អាយុ៣៨ មុខរបរសន្តិសុខ សណ្ឋាគារសុខា អាស័យដ្ឋានបច្ចុប្បន្ន ផ្ទះជួលផ្លូវកែវចិន្តា ខណ្ឌជ្រោយចង្វា ភ្នំពេញ។

ដែលជាប់ពាក់ពន្ធ័ករណីជម្លៀសជនជាតិចិនចេញពីមណ្ឌលចត្តាឡីស័កសណ្ឋាគារសុខា។ លទ្ធផលតេស្ត ចុង ក្រោយ អវិជ្ជមាន ត្រូវបានបញ្ជូន ទៅប្រធានអនុគណ:កម្មាការ ស្រាវជ្រាវនិងតាមដានបុគ្គល សង្ស័យថាមានផ្ទុកជំងឺកូវីដ-១៩ ដែលមានទីបញ្ជាការស្ថិតនៅអគ្គស្នងការដ្ឋាននគរបាលជាតិ ដើម្បីបន្តនិតិវិធី៕