ថ្ងៃសុក្រ ១០កើត ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១១ ខែកុម្ភៈ ឆ្នាំ២០២២ ឯកឧត្តមបណ្ឌិត អ៊ុម រម្យណី នាយកវិទ្យាស្ថានបច្ចេកវិជ្ជាកម្ពុជា បានទទួលជួបពិភាក្សាការងារជាមួយ ឯកឧត្តម François GROSDIDIER  អភិបាលក្រុង Metz នៃសាធារណៈរដ្ឋបារាំង, ប្រធាន L’Eurometropole de Metz ,អនុប្រធានតំបន់ Grand Est និងជាសមាជិកសភាកិត្តិយស ដោយមានការសម្របសម្រួលពី ឯកឧត្តម ហួត ហាក់ ប្រធានក្រុមការងាររៀបចំអង្គការចាត់តាំងយុវជនគណបក្សនៅទ្វីបអឺរ៉ុប និងសហការី បានអញ្ជើញចូលជួបសម្ដែងការគួរសម ពិភាក្សាការងារ និងការទស្សនាមន្ទីរពិសោធន៍នានា ដើម្បីស្វែងយល់អំពីកម្មវិធីសិក្សាជាអាទិភាព សំដៅពង្រឹងកិច្ចសហប្រតិបត្តិការលើវិស័យអប់រំ ឧត្តមសិក្សា ស្រាវជ្រាវវិទ្យាសាស្ត្រ និងបច្ចេកវិជ្ជា៕