ព្រឹកថ្ងៃទី៨ ខែកញ្ញា ឆ្នាំ២០២២ ក្រុមការងាររដ្ឋបាលក្រុងព្រះសីហនុ ដឹកនាំដោយលោក សន កុសល អភិបាលរងក្រុង បានចុះទៅរៀបចំសណ្តាប់ធ្នាប់ អនាម័យបរិស្ថាននៅចំណុចទីប្រជុំជន(ផ្សារ)តំបន់ទំនប់រលក ក្នុងភូមិសាស្រ្តសង្កាត់លេខ១។ បន្ទាប់ពីការស្ថាបនាផ្លូវតីរវិថីសម្តេចតេជោ (ផ្លូវទំនប់រលក-ស្ទឹងហាវ) បានធំទូលាយរួចរាល់ ពិនិត្យឃេីញថា នៅចំណុចទីប្រជុំជន(ផ្សារ) ទំនប់រលក មានបងប្អូនប្រជាពលរដ្ឋមួយចំនួនបានលក់ដូរ និងដាក់សម្ភារ:ផ្សេងៗ នៅលេីចិញ្ចេីមផ្លូវសាធារណៈខាងមុខផ្ទះរបស់ខ្លួន និងបានចតរថយន្តដឹកបន្លែ ត្រីសាច់ និងបានផ្ទេរឥវ៉ាន់លេីផ្លូវសាធារណៈ ដែលធ្វេីឱ្យបាត់បង់សណ្តាប់ធ្នាប់ និងបង្កគ្រោះថ្នាក់ចរាចរណ៍ផ្សេងៗ ជាពិសេសសិស្សានុសិស្សធ្វេីដំណេីរឆ្លងកាត់តំបន់នេះ។
ដូច្នេះក្រុមការងាររដ្ឋបាលក្រុង បានចុះអនុវត្តវិធានការអបរំណែនាំដល់ប្អូនជាម្ចាស់ផ្ទះ អ្នកលក់ដូរ ម្ចាស់រថយន្ត មិនអនុញ្ញាតឱ្យលក់ដូរលេីចិញ្ចេីមផ្លូវសាធារណៈនោះឡេីយ។ ក្នុងករណីមិនអនុវត្តតាម ក្រុមការងារនឹងចុះអនុវត្តវិធានការរដ្ឋបាល នឹងចាប់យកសម្ភារៈ និងរថយន្តយកមករក្សាទុកនៅសាលាក្រុងព្រះសីហនុ ដេីម្បីជាការព្រមាន។
សូមបងប្អូនប្រជាពលរដ្ឋចូលរួមទាំងអស់គ្នា ក្នុងការរៀបចំសណ្តាប់ធ្នាប់សាធារណៈ រក្សាអនាម័យ-បរិស្ថាន និងសោភ័ណភាពទីក្រុង៕
No comments:
Post a Comment