កោះកុង÷ នៅរសៀលថ្ងៃទី ១៦ ខែកុម្ភៈឆ្នាំ២០២៤ លោក ហាក់ ឡេង ប្រធានសមាគមន៍សិស្ស-និស្សិត (អមត) ខេត្ត កោះកុង អញ្ជើញសំណេះសំណាលសួរសុខទុក្ខជាមួយសិស្ស-និស្សិតអាហា រូបករណ៍ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ថ្នាក់បរិញ្ញាបត្រ និងបរិញ្ញាបត្ររង ប្រមាណជាង ៣០ នាក់ នៅទីស្នាក់ការសមាគម (អមត) ខេត្តកោះកុង ស្ថិតក្នុងភូមិនាងកុក ឃុំប៉ាក់ខ្លង់ ស្រុកមណ្ឌល សីមា។


ក្នុងឱកាសនោះ លោកហាក់ ឡេង ប្រធានសមាគម (អមត) ខេត្តកោះកុង បានថ្លែង អំណរគុណដ៏ជ្រាលជ្រៅ ចំពោះសម្ដេចអគ្គមហាសេនាបតីតេជោ ហ៊ុន សែន និងសម្ដេចកតិ្តព្រឹទ្ធបណ្ឌិត ព្រមទាំងសម្ដេចមហាបវរធិបតី ហ៊ុន ម៉ាណែត ក្នុងការ បង្កើតសមាគមសិស្ស-និស្សិតអាហារូប ករណ៍សម្ដេចអគ្គមហាសេនាបតីតេជោហ៊ុន សែន និងសម្ដេចកតិ្តព្រឹទ្ធបណ្ឌិតហៅកាត់ថា (អមត) ដែលបានផ្ដល់ឱកាសដល់សិស្ស-និស្សិតក្រីក្រ ដែលពុំមានលទ្ធភាពអាចបន្តការសិក្សានៅថ្នាក់ឧត្តមសិក្សា ទទួលបានចំណេះដឹង ជំនាញ ដើម្បីអភិវឌ្ឍខ្លួនឯង គ្រួសារ និងសង្គម ព្រមទាំងជួយសម្របសម្រួលក្នុងការផ្ដល់ទំនប់បម្រុងរវាងសិស្ស និងសិស្សឲ្យមានសាមភាព និងចូលរួមសកម្មភាពដែលអាចផ្ដល់ផលប្រយោជន៍ដល់សង្គម និងប្រទេសជាតិ ជាពិសេសដើម្បីឈានទៅបញ្ចប់ការសិក្សាដោយជោគជ័យ តាមមុខជំនាញរៀងៗខ្លួន។


លោក ហាក់ ឡេង ប្រធានសមាគមសិស្ស-និស្សិត(អមត) ខេត្តកោះកុង បានថ្លែងថា រាជរដ្ឋាភិបាលនីតិកាលទី ៧ បានអនុវត្តកម្មវិធីគោលនយោបាយអាទិភាពចំនួន ៦ សម្រាប់ប្រកាសចាប់ផ្ដើមអនុវត្តមុនឆ្នាំ ២០២៣ ក្នុងនោះកម្មវិធីទី ១ .ការផ្ដល់ការថែទាំសុខភាព ឆ្ពោះទៅកម្មវិធីគ្របដណ្ដប់សុខភាពជាសកល។ 

កម្មវិធីទី ២. ការបណ្ដុះបណ្ដាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យនៅទូទាំងប្រទេស។

កម្មវិធីទី៣. ការធ្វើស្ថាបនូយនីយកម្មកម្មវិធីជាតិជំនួសសង្គមសម្រាប់គ្រួសារក្រីក្រ ក្រុមជនងាយរងគ្រោះនៅក្នុងគ្រួសារក្រីក្រ និងគ្រួសារងាយរងហានិភ័យនៅក្នុងគ្រាមានវិបត្តិសេដ្ឋកិច្ច និងគ្រាមានគ្រោះ អាសន្ន។

កម្មវិធីទី ៤. ការដាក់ចេញនិងការជំរុញអនុវត្តយុទ្ធសាស្ត្រអភិវឌ្ឍន៍សេដ្ឋកិច្ចក្រៅប្រព័ន្ធ ឱ្យមានលទ្ធភាពចូលរួមទៅក្នុងសេដ្ឋកិច្ចក្នុងប្រព័ន្ធ។

កម្មវិធីទី ៥. ការដាក់ចេញនៅយន្តការសម្របសម្រួល និងកម្មវិធីហិរញ្ញប្បទាន សំដៅលើកស្ទួយផលិតកម្ម រកទីផ្សារ និងរក្សាលំនឹងថ្លៃកសិផលសំខាន់ៗក្នុងកម្រិតសមរម្យ។ និងកម្មវិធីទី ៦. ការដាក់ពង្រាយមន្ត្រីបច្ចេកទេសកសិកម្មទៅគ្រប់ឃុំ-សង្កាត់ ដែលមានសកម្មភាពកសិកម្មនៅទូទាំងប្រទេស ដើម្បីជំរុញការលើកកម្ពស់ផលិតភាពកសិកម្ម នឹងជួយដល់គ្រួសារកសិកម្ម ក្នុងការលើកស្ទួយផលិតផលកសិកម្មរបស់ខ្លួន និងការរៀបចំឲ្យមានសមាគមន៍កសិករនៅតាមទីជនបទ។ 


ជាចុងក្រោយ លោកប្រធានសមាគម បានថ្លែងផ្ដាំផ្ញើដល់ក្រុមការងារ ក៏ដូចជាសិស្ស- និស្សិតដែលមានវត្តមាននៅពេលនេះ សូមយកចិត្តទុកដាក់ ខិតខំពង្រឹងសាមគ្គីភាពផ្ទែក្នុង ឲ្យកាន់តែរឹងមាំ នឹងជួយសមាជិក សមាជិកាសហគមន៍ និងធ្វើជាស្នូលដើម្បីធ្វើការទាក់ទាញទឹកចិត្តយុវជនគ្រប់ស្រទាប់វណ្ណៈឲ្យចូលរួមនៅក្នុងសកម្មភាពនានា ដើម្បីបម្រើសង្គមជាតិ និងបុព្វហេតុជាតិមាតុភូមិ៕ 


ក្នុងឱកាសនេះដែរ ក្រុមការងារក៏បានជូនកាដូរអនុស្សាវរីយ៍ ដែលជាអំណោយដ៏ថ្លៃថ្លា របស់សម្ដេចបវរធិបតីហ៊ុន ម៉ាណែតនិងលោកជំទាវបណ្ឌិត ដូចជាការបូប និងសម្ភារៈសិក្សាមួយចំនួនជូនដល់សិស្ស- និស្សិតផងដែរ៕

ដោយ ញុឹប សន