កម្លាំងអាវុធហត្ថ បានធ្វើការឃាត់ខ្លួនយុវជនម្នាក់ និងថ្នាំញៀនចំនួន ៦កញ្ចប់!

 កំពង់ស្ពឺ៖ ថ្ងៃទី២៩ ខែកក្កដា ឆ្នាំ២០១៩ នៅចំណុចភូមិព្រៃស្លឹក សង្កាត់ច្បារមន ក្រុងច្បារមន ខេត្តកំពង់ស្ពឺ កម្លាំងមូលដ្ឋាន កងរាជអាវុធហត្ថក្រុងច្បារមន ដឹកនាំដោយលោក វរសេនីយ៍ត្រី ធី ឆៃ មេបញ្ជាការ បានឃាត់ខ្លួនជនសង្ស័យចំនួន ០១នាក់ឈ្មោះ ជឿន សុខហេង ភេទប្រុស អាយុ ២១ឆ្នាំ មុខរបរមិនពិតប្រាកដ មានទីលំនៅភូមិពុទ្ធិកាក់ សង្កាត់ច្បារមន ក្រុងច្បារមនខេត្តកំពង់ស្ពឺ ពាក់ព័ន្ធនឹងករណីគ្រឿងញៀន ក្នុងនោះកម្លាំងបានដកហូតវត្ថុតាងថ្នាំញៀនម៉ាទឹកកកចំនួន ០៦កញ្ចប់។
បច្ចុប្បន្នជនសង្ស័យ និងវត្ថុតាង ត្រូវបានកសាងសំណុំរឿងដើម្បីចាត់ការបន្តតាមនីតិវិធី។